:: www.5aur.net ::

:: föstudagur, apríl 15, 2005 ::

Á ég að nenna að blogga......

Sá að Biggi var að reyna að fá mig til að byrja að blogga aftur.
Ég er bara ekkert að nenna að blogga bara um e-ð !
Þess vegna ætla ég að biðja ykkur um að koma með uppástungur. Hvað get ég bloggað
um reglulega ???
Ætla að gef a ykkur helgina til að koma með uppástungur.
Endilega tjáið ykkur í comment kerfið......




:

:: Brynjar 13:21 ::
...

Nuts ?


That is going to leave a mark !

:

:: Gringo 23:33 ::
...

já, sællvettu


Það er búið að vera aðeins rólegra hérna á 5aurnum eftir að HK datt út í handboltanum, núna er að koma sumar og allt að gerast. Ég ætla nú samt að fara rólega í stóru orðin hvað varðar þetta blessaða sumar, síðast þegar ég var e-ð að tjá mig um þetta málefni, þá fór að snjóa og svo var alveg drullu kuldi í heila viku! Ég tók eftir því þegar ég var að renna í gegnum efnið hér áðan að við erum lítið sem ekkert búnir að vera að tjá okkur um heimilislífið, Binni var nokkuð duglegur að koma með e-ð rugl hér á tímabili en núna er hann e-ð að klikka og ég skora hreinlega á snúð að taka sig saman í blogginu og setja kraft í þetta!

Sumarið er að verða nokkuð planað hjá okkur, stefnan er sett á það að skella sér í helgarferð til Osló núna um mánaðarmótin. Stærsta ferð sumarsins er samt alveg án vafa ferð okkar til Spánar í sumar. Við erum að fara að skella okkur (ég, Binni, Ómar, Raggi og Grjóni) til Alicante þar sem við erum með tveggja hæða raðhús og bíl í 2 vikur. Þetta verða gríðarlega góðar 2 vikur, það er alveg á hreinu.

Tæknilegt afrek átti sér stað hér heima fyrir stuttu. Ómi var búinn að láta okkur hafa afruglara fyrir þetta blessa breiðband en aldrei náðum við því að nenna að tengja þetta helvíti. Það tókst nú samt núna fyrir stuttu og erum við nú vopnaðir alveg heilum helling af ónothæfu sjónvarpsefni. Ef ég tek einn hring fyrir ykkur núna svona sem "demo" þá má taka það fram að ég gæti hugsanlega verið að horfa á e-ð af þessu :

Simpsons (með þýsku tali... æði)
O.C. (einnig á þýsku)
Kristilega leikfimi á 3ABN (hverjum datt í hug að blanda saman Jesú og eróbik ?)
Fasteignaþátt frá Skotlandi
Svekkjandi klám á Adult

Það er einnig heill hellingur af einhverjum spjallþáttum á þýsku, sænsku, dönsku, norsku og ég veit ekki hvað og hvað sem ég gæti mögulega ekki haft minni áhuga á. Hverjum hefði dottið í hug að það væri hægt að raka saman svona mikið af óbjóði og hlaða í einn pakka ? Vonandi fær maður fljótlega e-ð gott tilboð á þessum Digital Ísland pakka, hann er að vísu ekki mikið betri en maður er þó með Stöð 2, Sýn og Bíórásina til að halda geðheilsu í ágætu standi.

Uppáhaldið hjá mér og Binna hefur nú verið Fashion T.V. Þetta er alveg pottþétt lang besta stöðin í þessum pakka... ásamt kristilega leikfimistímanum á 3ABN auðvitað.

Það var haldið létt HK teiti hérna um síðustu helgi til að "halda upp á" það að keppni okkar í ár í handboltanum er lokið. Þetta var nú hið rólegasta teiti en samt nóg til þess að löggan kíkti við, henni var bara ekkert boðið þannig að hún varð því miður að fara aftur. Ég er alveg búinn að komast að því að ég gjörsamlega rústaði meðalaldrinum í þessari blokk. Ég get allavega sagt það sama og Steini, ef einhver er að spá í að fá sér íbúð, þá þarf ekki annað en að bíða eftir næsta hálkudegi og *wham* laus íbúð á Ásbraut ! Íbúðin endaði að vísu eins og skemmtistaður eins og vanalega og ég er enn að bíða eftir að einhver komi og taki til... tel það að vísu ólíklegt þannig að ég fer að koma mér í það bráðlega. Eftir að hafa rekið lögguna í burtu, þá kíktum við á Hverfis og gott ef þetta var bara ekki ein besta bæjarferð lengi vel...



duglega edrú auðvitað... right

Þessi ferð á 101 svæðið endaði svo mjög furðulega í Unzanum þar sem ég líklegast sá til þess að einn pizzusendill sagði upp störfum sínum... he he


Ætla að enda þetta langa rugl í mér á því að benda ykkur á alveg brilliant síðu.... smellið hér til að skoða


:

:: Gringo 19:11 ::
...

Sumarfrí

Það er þá staðfest, HK er komið í sumarfrí. Við ætluðum okkur nú lengra í þessari keppni en það tókst ekki í þetta sinn. Ég ætla nú ekkert að ræða of mikið um leik 3 við Val þar sem flestir vita hvernig hann fór og hvað klikkaði. Það sem mig langar að gera er að renna aðeins yfir þetta tímabil og hvernig það er búið að þróast. Stuttu áður en þetta tímabil hófst, þá vissi maður mjög lítið hvað væri að fara að gerast hjá HK. Maður vissi það að einhver erlendur þjálfari væri að koma til okkar en það eina sem maður hafði séð af honum var ein mynd sem var nú ekki vinaleg í útliti. Með þessum manni átti að koma einn leikmaður og ekki vissi maður mikið um hann heldur. Hópurinn var frekar þunnur, máttastólpar liðsins undanfarin ár voru að hætta og lítið vissi maður hverjir kæmu í þeirra stað. Ýmsar sögur voru í gangi en ekkert var staðfest og ekkert virtist vera að komast á hreint. Stuttu fyrir mót var að komast mynd á þetta og allt í einu var hópurinn kominn. Þetta var ungur hópur, vantaði kannski helst hæðina en maður sá það strax að þetta var lið sem gæti spilað á miklum hraða. Ekki svo löngu fyrir byrjun tímabils kom svo þessi þjálfari til landsins og hófust þá æfingar með honum. Forvitnin var alveg að fara með mann, eftir margar spurningar og njósnir komst maður að því að hann var að koma með miklar nýjungar í þetta lið. Framliggjandi vörn, hraðar sóknir og mörg kerfi voru stikkorð sem maður var að frétta frá leikmönnum. Þetta hljómaði vel og allt í einu fann maður það að væntingar í garð HK fóru að aukast. Þetta var lið sem var til alls líklegt og það toppaði svo allt þegar þessi blessaða spá kom og þar vorum við efstir á blaði.

Ég var nú alltaf á því að menn voru að spá HK svona ofarlega af því að það var mikil óvissa í kringum þetta lið okkar. Við vorum ekkert að spila við lið hér heima, fórum til Svíþjóðar á mót þannig að það voru mjög fáir hér heima sem vissu nokkuð um það hvernig við vorum að spila. Ég er alls ekki að gera lítið úr getu liðsins, þetta lið hefði alveg getað endað í 1. sæti eftir þetta tímabil, það er alveg ljóst. Þetta voru bara fyrstu viðbrögð hjá manni eftir að þessi spá kom út. Tímabilið fór af stað og ekki byrjaði það ílla. Fyrsti leikur var við Hauka á Ásvöllum og þaðan komum við svo aftur í Kópavog með 2 stig, frábær árangur! Stuttu eftir sigurleik okkar við Hauka, þá tók maður eftir því að væntingar hjá fólki voru að aukast jafnt og þétt. Liðið var að vísu alveg að standa undir væntingum eftir 6 leiki vorum við bara búnir að tapa einum og það var á móti KA á Akureyri. Við kláruðum okkar riðil í með glæsibrag og vorum komnir áfram í úrvalsdeildina. Við unnum þrjá fyrstu leikina þar og svo kom að því að spila í Bikarúrslitum á móti ÍR. Því miður hafðist ekki sigur í þeim leik og þá fór aðeins að halla undan fæti hjá okkur, unnum aðeins einn af næstu 5 leikjum og misstum heimaleikjarétt í 8 liða úrslitum. Á þessum kafla tók maður eftir því að það var skortur á reynslu í þessu liði okkar og þegar það tók að halla undan fæti, þá brotnuðu menn allt of auðveldlega.

Auðvitað er það mjög slæmt að bugast þegar álagið er svona mikið en það kom manni kanski samt ekkert rosalega á óvart. Hér vorum við með mjög ungt lið (elsti maður 26 ára held ég) og einnig fyrsta tímabil hjá mörgum þarna að spila saman. Í byrjum tímabils voru menn að tala um að árangur færi að koma í ljós eftir 2-3 tímabil en svo eftir frábæra byrjun breyttist það.

Persónulega er ég nokkuð ánægður með þetta tímabil, við fórum í úrslit í bikarnum og erum þvílíkt nálægt því að komast áfram í 4 liða úrslit sem hefði vrið besti árangur HK frá upphafi. Það sem kom í ljós á þessu tímabili er að okkar veikleiki er kanski einna helst óstöðugleiki og það er ekkert óeðlilegt miðað við aldur liðs og reynslu. Allt í allt voru þetta 16 sigrar, 1 jafntefli og 8 töp á þessu tímabili (deild og bikar). Núna geta menn aðeins slappað af eftir nokkuð erfitt tímabil og skoðað sín mál. Það sem ég vil fara fram á við bæði lið og stuðningsmenn er það að menn séu ekki að missa sig í svekkelsi og væli yfir því sem tapaðist, heldur bakka aðeins og sjá að það var heill hellingur sem gekk vel á þessu tímabili. Margir einstaklingar tóku þvílíkt stökk á þessu ári undir leiðsögn Miglius og Big Red og miðað við árangur liðsins í ár, þá bíð ég persónulega hrikalega spenntur eftir því hvað gerist í sumar og á næsta tímabili. Ég veit það allavega að ef ég væri sjálfur að spila handbolta, þá væri ég spenntur fyrir því að spila með liði sem er með ungan hóp, þjálfara sem getur kennt þér hluti sem ekki nokkur annar getur gert hér á landi og stuðningsmenn eins og Binnamenn sem eru til í að gera ótrúlegustu hluti fyrir sitt lið sama hvað gengur á.

Ætla að enda þetta hjá mér með því að þakka öllum þeim sem komu nálægt HK á þessu tímabili, hvort sem það eru leikmenn, stjórnendur, stuðningsmenn eða starfsólk fyrir mikla skemmtun og gleði... Binnamenn koma aftur á næsta tímabili stærri, flottari og betri !

Binnamenn....Fegurðin Blekkir !

:: Gringo 14:25 ::
...