www.5aur.net

Jæja einhver verður að halda uppi heiðrinum á þessari síðu.
Eins og allir vita þá er draumur okkar HK manna um fyrsta Íslandsmeistaratitilinn í handbolta orðinn að engu. En aftur á móti er besti árangur HK í deildakeppni HSÍ frá upphafi (2 sætið) staðreynd og er það náttúrulega frábær árangur og óska ég strákunum og öllum HK-ingum innilega til hamingju og að sjálfsögðu líka HK stelpunum með þeirra árangur sem var alveg frábær aðeins á sínu öðru ári.
En silfrinu var að sjálfsögðu aðeins fagnað á sunnudagskvöldið í Hákoni Digra. Sumir fögnuðu reyndar aðeins meira en aðrir *hóst Hákon hóst*......*hóst Bjössi hóst*.......hehe, og fór Hákon á kostum í drykkjukeppni sem hann tók reyndar bara einn þátt í.

HK gleðin náði svo hámarki í gær þegar meistarflokkur karla í fótbolta sló litla liðið úr vesturbæ Reykjavíkur....KR út úr 8 liða úrslitum deildarbikarsins í leik sem fór í framlengingu og 11 umferðir í vítakeppni,lokatölur 9-8 HK í vil og eru þeir þar af leiðandi komnir í undanúrslit þar sem þeir mæta Íslandsmeisturum FH á Stjörnuvellinum næstkomandi föstudag kl.19 og hvet ég alla HK-inga að mæta þangað og styðja strákana. Hetja HK í leiknum í gær var að sjálfsögðu kapteinninn sjálfur, Gulli en hann varði hvorki fleiri né færri en 4 vítaspyrnur og skoraði úr einni sjálfur.
Og einnig verður að minnast á að breiðablik (þið vitið, litla liðið í Kópavoginum) datt út úr deildarbikarnum á sama tíma í gær þar sem þeir töpuðu fyrir Vikingum 2-1........SVEKK. Fréttirnar um að sætin í nýju stúkunni á Kópavogsvelli verði fallega rauð hafa greinilega ekki fallið vel í liðsmenn breiðablik.

En í allt annað. Tveir snillingar, Binnamenn og meðlimir 5aur.net, Sykurinn og Bransakallinn (aka Grjóni og Raggi) eru að leggja land undir fót og ætla að flytja til danaveldis á föstudaginn þar sem þeir ætla að leggja stund á nám.....já ég sagði nám í sömu setningu og ég sagði Raggi. Og það er ekkert verið að fara í auðveldasta námið heldur stefna þeir báðir á flugvirkjann og verður án efa mun öruggara að fljúga um heiminn að námi þeirra loknu. En þetta þýðir að Ísland er að missa tvo af sínum fegurstu dáðadrengjum af landi brott í einhvern tíma og verður landið ekki eins án þeirra, allavega efra breiðholtið ekki eins án Ragga og menntaskólarnir ekki eins án Grjóna (TOTAL90). En ég er viss um að þeir eiga eftir að standa sig eins og hetjur og óska ég þeim alls hins besta.

P.s. Ætlar kærastan hans Ragga að flytja út með honum??