Monday, November 10. 2008
Fjölmiðlar að drulla upp á bak?
Posted by Biggi Gringo
at
11:17
Það vill nú gerast að þegar maður er búsettur tæplega 400 km frá borg óttans að maður missi af einhverju. Núna fyrir stuttu voru t.d. háværustu og fjölmennustu mótmælin hingað til, ég vissi af þeim þar sem m.a. ætluðu mótorhjólafólk að fjölmenna á hjólum sem var frábært. Ég horfði á fréttir og það eina sem ég sá var e-ð af fólki og svo nokkrir hippar að slást aðeins við lögreglumenn og svo einhver að flagga Bónus fána á Alþingishúsinu... voru þetta virkilega mótmælin? Í dag er maður svo að vafra um netið til að sjá hvað maður getur séð af þessu og þá rekst maður á þetta:Ég verð að játa það að ég sá ekki þessar myndir í fréttum, flott samstaða þarna hjá hjólafólki! En þá er það spurningin... Af hverju sá ég ekki þetta í fréttum? Var ég hugsanlega það óheppinn að ég sá bara það neikvæða eða er umfjöllun fjölmiðla hreinlega bara hlutdræg og óréttlát?
Ég skora allavega á alla að mæta í næstu mótmæli en jafnframt sleppa því að reyna að vera einhver Batman... fjölmenni og læti, ekki drama og rugl.
Löggann er síðan að vinna í því að búa til óeirðarstrætó sem er brynvarinn, og sérútbúa fleiri tæki fyrir óeirðarstjórnun,. Fólk skal því ekki búast við vettlingatökum næst, það verður Mayhem...
leiðist þér Biggi?
Betra er að reyna að ná til þessa fólks á málefnalegan hátt, eins og það hefur nú gengið vel hingað til ekki satt?
Sumir eru búnir að missa vinnuna og horfa fram á mikið atvinnuleysi. Sumir búnir að tapa aleigunni í hlutabréfaviðskiptum og lánin á húsnæðinu hækka endalaust. Hæstu vextir á byggðu bóli, engin gjaldeyrisviðskipti, hæstu skattar í heimi, hæsta matarverð í heimi og svo er verðbólgan að koma. Get haldið endalaust áfram, er það ekki Asnalegt ástand? Er það ekki Breiðablik?
Það eru engir Asnar, reykspúandi bifhjólamenn eða Eggjakastarar að mótmæla heldur Íslendingar ,almenningur sem eru búnir að fá nóg af þessum fáranlegu stjórnarháttum og aðgerðaleysi. Þegar í landi þar sem stjórnsýslan og fjármagnskerfið er búið að gera það atvinnulaust, í skuldafangelsi eða gjaldþrota, þá skipta aðgerðir máli ekki málefnalegt þvaður sem engu skilar.
´
Þannig ættu stjórnvöld hreinlega að taka mótmælendurna sér til fyrirmyndar og reyna að gera eitthvað í núverandi ástandi, FRAMKVÆMA, í stað þess að reyna að vinna úr ástandinu "málefnalega".
Fáranleg comment þarna að ofan.
Reyndar er meirihlutinn af þjóðinni sem betur fer með meira vit en það að kenna Alþingi um ástandið og endurspeglast það í fámenni mótmælanna.
Annað sem ber að leiðrétta strax og þú ættir að vita er að fólk fer ekki í skuldafangelsi útaf vanskilum við bankanna.
(Ég reyndar veit alveg af hverju þú ert pirraður en það mun vera tapið í hnoðinu í gær 20-18 ég og davið vorum bara of stór biti literally;-)
Reykspólið fannst mér líka alveg afskaplega hallærislegt þar sem að ég sé ekki alveg hverju það átti að ná fram. Fínt að fólk sýni samstöðu en þetta hreyfði lítið við mér, hefði verið betra ef að þetta fólk hefði bara tekið af sér hjálmana og sagt sína skoðun í staðinn fyrir að vera með einhvern hávaða og reykmengun.
Á heildina litið var þetta vel heppnað og ég hugsa að ég láti sjá mig næsta laugardag líka.
Ég set ekkert útá þetta spól mótorhjólamanna enda er þetta ekki nein mengun, þetta hverfur á nokkrum sek og ef fólk ætlar að fara að væla útaf því miðað við allt sem er í gangi þá veit ég hreinlega ekki hvað ég get sagt. Eggjakast var meirihluti held ég bara börn og óvitar og því þarf ekkert að ræða það nánar.
Ég vona bara að sem flestir sjái sér fært að mæta næsta laugardag og jafnvel taka eins og eina klósettrúllu með sér til að skilja eftir á tröppum Alþingis, EKKI til að henda!